Val d’San Bartolomè (Valle San Bartolomeo)
A l’è ‘n pais grassious ‘nt na Val d’freschèzza.
L’è in grup d’cà ‘cun na cesa ‘n s’in autira,
ch’l’è propri degn d’essi purtà ‘n pitira,
per la so pusission, per la sò blèssa.
L’ha na vista impagàbil per grandèssa,
a l’ha duvissia ‘d don d’ra natira:
A l’ha i basen du sù, e l’aria pira
ai porta da lòntan la so caressa.
A l’ha per ogni fior, per ogni pianta,
na dùssa, misteriusa poisia.
E tit in’armunia ch’a n’incanta.
J’è’n nì d’memoria care ant ogni cosa:
l’è u nì der cor, l’è u nì dra me famija,
l’è’n sit tranquil per l’anma ch’as riposa.
Biagio Gho