La torta pasqualina di S. Locardi

LA TORTA PASQUALINA di S. Locardi

Tùcc j’ani al meiz d’avrì durònt la fera
andavo da me nòna Carolina
ch’l’ha mai mancà na vòta an primavera
ad fè për noi la torta Pasqualina.

An t’na terren’na gròsa c’me na cà
ansèma j’ov e ‘l tomi do siras,
u j’era con al peivi e al nos moscà
formagg gratà e du scùdla ‘d spinas.

Finì ‘d mùscè l’impast col forchetòn
la trava zù la sfoja an tla tortera
e dòp aveila ampinja col pastòn
la fava el voj për j’ov e n po’ ‘d grovera.

An t’ùn cantòn dla cort a sot l’andròn
uj’era ùn forn a ligna facc a mòn
e lè i favo còsi torti e pòn
che nòna l’ampastava col so mòn.

Ma da col dì che nòna a l’è spiraja
ùn mònd a l’è finì an col moment
an t’ùn cantòn dla cà abandonaja
ùn forn a ligna l’ha sarà i batent!

Ormai i temp che tùt a l’era genuèn
i son pasà e ‘l nòni i son pù coli
al masim i preparo a j’anvodèn
‘na “pizza surgelata” col sigoli!10155502_738841442826778_1217513221703460486_n