La me Lisondria di Giovanni Giaroli

Am viz ad quondi u giazz
l’ampiniva la me vita
ant cul nocc ciari ad tant temp fa
col bandi brasigiioni al Paradis
el vent ant i cavì e u to suris.
El partei a buceti da Baleta
con i amis ad semper
e cul strà cui canton durà da u tramont
vegg pivion andrumentà an sel brass ad Ratass
i dopmesdì a Burmia con la Maino
dai sercion ad ligna e vers a sira
el prufum dei tili suta al vial
andoc amniva semper a spicet
A u liceo Plana prova ad laten
antrament che da la strà el prufum ad glicine
e la vus ad Sinatra i rendivu
cumplicà la tradusion Ad Giovenale.
Povra e coerta istà dna vita
cla smeia ammac na listoria
um smeia ancura ad senti el vuss
dal curt ad piasa Goito
e dai balcon pen ad geragn el vuss ad Bonino e Taioli.
El campogni ad San Rocc vers a sira
Antramen clamniva scurr e la nebbia la calava su.
El prim basen rubà adrera a Bima
Santa Lucia quond cu sfava nocc
con i lacabon e i turunett
la to man giasaia an tla mea.
Adess el nocc i son pu scuri d’anlura
u ié pù el caret ad verri ant i giarden
e quon cà sent “ memory of you” dop a stagg ma.

Precedente 15/11/2014 Emergenza idrogeologica 15 novembre 2014 provincia di Alessandria Successivo I vòn sù 'cmè 'l cirèsi - disfida dialettale